ਮਾਯਨ ਮੰਦਰਾਂ ਵਿੱਚ 100 ਘੰਟੇ: ਪਿਰਾਮਿਡਾਂ, ਗੁਫਾਵਾਂ ਅਤੇ ਕੁਕੁਲਕਾਨ ਦੇ ਗੁਪਤ ਕਮਰੇ ਦੀ ਖੋਜ

ਹੁਣੇ ਹੁਣੇ ਸਾਨੂੰ ਇੱਕ ਹੈਲੀਕਾਪਟਰ ਦੋ ਹਜ਼ਾਰ ਸਾਲ ਪੁਰਾਣੇ ਇਸ ਮੰਦਰ ਤੇ ਲਾਹ ਕੇ ਗਿਆ ਹੈ! ਵਾਹ! ਅਸੀਂ ਤਾਂ ਬਹੁਤ ਉੱਪਰ ਹਾਂ! ਆਲੇ ਦੁਆਲੇ ਜੰਗਲ ਹੀ ਜੰਗਲ ਨੇ। ਫਿਰ ਮਿਲਦੇ ਹਾਂ! ਚਲੋ ਵੇਖਦੇ ਹਾਂ ਸਾਨੂੰ ਕੀ ਮਿਲਦਾ ਹੈ!

ਇਸ ਵੀਡੀਓ ਵਿੱਚ ਅਸੀਂ ਦਰਜਨਾਂ ਪੁਰਾਤਨ ਮੰਦਰਾਂ ਦੀ ਖੋਜ ਕਰਨ ਜਾ ਰਹੇ ਹਾਂ। ਇਹ ਸਾਰੇ ਮੰਦਰ ਪੁਰਾਤਨ ਮਾਯਨ ਸਭਿਅਤਾ ਦੇ ਭੇਦਾਂ ਨੂੰ ਆਪਣੀ ਧਰਤੀ ਹੇਠਾਂ ਛੁਪਾ ਕੇ ਬੈਠੇ ਹਨ। ਤੁਸੀਂ ਜੋ ਕੁਝ ਵੀ ਹੁਣ ਦੇਖ ਰਹੇ ਹੋ, ਮਾਯਨ ਲੋਕ ਨਹੀਂ ਚਾਹੁੰਦੇ ਸਨ ਕਿ ਅਸੀਂ ਇਹ ਕਦੇ ਵੇਖੀਏ। ਜਿੱਥੇ ਅਸੀਂ ਜਾ ਰਹੇ ਹਾਂ, ਉੱਥੇ ਕਿਸੇ ਨੂੰ ਜਾਣ ਦੀ ਇਜਾਜ਼ਤ ਨਹੀਂ। ਇਸ ਵਿੱਚ ਦੁਨੀਆਂ ਦੇ ਸੱਤ ਅਜੂਬਿਆਂ ਵਿੱਚੋਂ ਇੱਕ ਵੀ ਸ਼ਾਮਲ ਹੈ। ਪਰ ਸਾਡੇ ਕੋਲ ਖੋਜਾਂ ਕਰਨ ਲਈ ਸਿਰਫ਼ 100 ਘੰਟੇ ਸਨ।

ਦੋਸਤ, ਇਹ ਪੌੜੀਆਂ ਤਾਂ ਵਾਕਈ ਬਹੁਤ ਵੱਡੀਆਂ ਨੇ! ਹਾਂ ਯਾਰ, ਕਾਸ਼ ਇੱਥੇ ਕੋਈ ਐਸਕਲੇਟਰ ਹੁੰਦਾ। ਚਲੋ, ਮਾਯਨ ਲੋਕਾਂ ਦੇ ਭੇਦਾਂ ਦੀ ਖੋਜ ਕਰੀਏ!

ਇਹ ਇਸ ਵਿਸ਼ਾਲ ਮਾਯਨ ਮੰਦਰ ਦੇ ਅੰਦਰ ਜਾਣ ਵਾਲਾ ਦਰਵਾਜ਼ਾ ਹੈ। ਇਹ ਤਾਂ ਕਾਫ਼ੀ ਗਹਿਰੀ ਸੁਰੰਗ ਹੈ! ਪਹਿਲਾਂ ਜਾਣ ਦਾ ਹੱਕ ਮੇਰਾ! ਮੈਨੂੰ ਕੋਈ ਇਤਰਾਜ਼ ਨਹੀਂ। ਉੱਥੇ ਜਾਲ ਵੀ ਹੋ ਸਕਦੇ ਨੇ! ਇਹ ਮੰਦਰ ਦੋ ਹਜ਼ਾਰ ਸਾਲ ਤੋਂ ਵੀ ਵੱਧ ਪੁਰਾਣਾ ਹੈ। ਕਮਾਲ ਹੈ ਯਾਰ! ਅਸੀਂ ਹੁਣ ਇੱਕ ਪੁਰਾਤਨ ਮੰਦਰ ਦੇ ਅੰਦਰ ਹਾਂ। ਅਸੀਂ ਕਿੱਥੇ ਜਾ ਰਹੇ ਹਾਂ? ਓਹ ਤੇਰੀ ਦੀ! ਵਾਹ!

ਇਸ ਮੰਦਰ ਵਿੱਚ ਸਭ ਤੋਂ ਪਹਿਲਾਂ ਨਜ਼ਰ ਆਉਂਦੀ ਹੈ ਇਹ ਵਿਸ਼ਾਲ ਮੂਰਤੀ। ਕਹਿੰਦੇ ਨੇ ਇਹ ਮਕਈ ਦਾ ਦੇਵਤਾ ਹੈ, ਜੋ ਇੱਕ ਤੇਂਦੁਏ ਦੇ ਮੂੰਹ ਅੰਦਰ ਵੱਸਦਾ ਹੈ। ਇਹ ਤਾਂ ਬਹੁਤ ਖੂਬਸੂਰਤ ਹੈ! ਓਏ ਯਾਰ!

ਮੈਂ ਤੈਨੂੰ ਦੱਸਾਂਗਾ ਇਸਦਾ ਕੀ ਮਤਲਬ ਹੈ, ਫਿਰ ਤੂੰ ਦੱਸੀਂ ਇਸਦਾ ਕੀ ਮਤਲਬ ਹੈ, ਠੀਕ ਹੈ? ਇਹ ਇੱਕ ਹੱਥ ਹੈ। ਇਹ ਇੱਕ ਪਰੇਡ ਹੈ। ਇਹ ਇੱਕ ਟਾਇਲਟ ਹੈ। ਗਲਤ ਜਵਾਬ! ਠੀਕ ਹੈ। ਨਹੀਂ, ਇਹ ਟਾਇਲਟ ਨਹੀਂ ਹੈ। ਉਹਦੇ ਕੰਨ ਦਾ ਝੁਮਕਾ ਹੈ। ਹਾਂ, ਜਿਮੀ।

ਤਾਂ, ਗੱਲ ਇਹ ਹੈ: ਇਹ ਦਰਅਸਲ ਇੱਕ ਪਿਰਾਮਿਡ ਹੈ ਜੋ ਦੂਸਰੇ ਪਿਰਾਮਿਡ ਤੇ ਬਣਾਇਆ ਗਿਆ ਹੈ। ਇਸ ਲਈ ਜਿਵੇਂ ਅਸੀਂ ਅੰਦਰ ਜਾ ਰਹੇ ਹਾਂ, ਚੀਜ਼ਾਂ ਓਨੀਆਂ ਪੁਰਾਣੀਆਂ ਹੁੰਦੀਆਂ ਜਾ ਰਹੀਆਂ ਨੇ। ਧਿਆਨ ਨਾਲ ਮੁੰਡਿਓ! ਇਹ ਬਹੁਤ ਹੀ ਖ਼ਤਰਨਾਕ ਹੈ, ਜਿਮੀ! ਪਤਾ ਨਹੀਂ ਸਰਕਾਰ ਨੇ ਸਾਨੂੰ ਅੰਦਰ ਕਿਵੇਂ ਜਾਣ ਦਿੱਤਾ! ਇਹ ਪਾਗਲਪਨ ਹੈ। ਇੱਥੇ ਤੱਕ ਤਾਂ ਆਰਕਿਓਲੋਜਿਸਟਾਂ ਨੂੰ ਵੀ ਨਹੀਂ ਆਉਣ ਦਿੱਤਾ ਜਾਂਦਾ। ਅਸੀਂ ਧਰਤੀ ਦੇ ਕਿੰਨੇ ਹੇਠਾਂ ਹਾਂ?

ਕਈ ਘੰਟੇ ਇਸ ਪੁਰਾਤਨ ਮੰਦਰ ਵਿਚ ਘੁੰਮਣ ਤੋਂ ਬਾਅਦ, ਅਸੀਂ ਆਖ਼ਿਰਕਾਰ ਅੰਤ ਤੱਕ ਪਹੁੰਚ ਗਏ। ਤੂੰ ਕਿਹਾ ਸੀ ਕਿ ਅੰਤ ਵਿਚ ਪਹੁੰਚ ਕੇ ਸਾਨੂੰ ਇੱਕ ਸਰਪ੍ਰਾਈਜ਼ ਮਿਲੇਗਾ! ਹਾਂ! ਪਿਛਲੇ ਦੋ ਦਹਾਕਿਆਂ ਦੀ ਖੋਜ ਵਿਚ ਸਾਨੂੰ ਇਹ ਮਿਲੀ ਹੈ। ਵਾਹ! ਕੀ ਹੈ?

ਇਹ ਇੱਕ ਮ੍ਰਿਤਕ ਮਾਸਕ ਹੈ। ਇਹ ਸਰਪ ਕਿੰਗਡਮ ਦੇ ਰਾਜਿਆਂ ਵਿੱਚੋਂ ਇੱਕ ਦਾ ਚਿਹਰਾ ਹੈ। ਮਾਯਨ ਲੋਕ ਅਜਿਹੇ ਮਾਸਕਾਂ ਦਾ ਇਸਤੇਮਾਲ ਮ੍ਰਿਤਕਾਂ ਨੂੰ ਅੰਡਰਵਰਲਡ ਦੀ ਯਾਤਰਾ ਦੇ ਖ਼ਤਰੇ ਤੋਂ ਬਚਾਉਣ ਲਈ ਕਰਦੇ ਸਨ।

ਇਸਨੂੰ ਫੜ ਸਕਦਾ ਹਾਂ? ਹਾਂ। ਇਹ ਹਜ਼ਾਰ ਸਾਲ ਤੋਂ ਵੀ ਪਹਿਲਾਂ ਬਣਾਇਆ ਗਿਆ ਸੀ। ਹਾਂ। ਜਿਸਦਾ ਮਤਲਬ ਹੈ ਉਸ ਵੇਲੇ ਮੇਰੇ ਪੜਦਾਦੇ ਦੇ ਪੜਦਾਦੇ ਦੇ ਪੜਦਾਦੇ ਵੀ ਜ਼ਿੰਦਾ ਨਹੀਂ ਸਨ। ਇਹ ਕਿਸੇ ਮਿਊਜ਼ੀਅਮ ਵਿਚ ਕਿਉਂ ਨਹੀਂ ਹੈ? ਇੱਕ ਯੂਟਿਊਬਰ ਇਸਨੂੰ ਕਿਉਂ ਫੜ ਰਿਹਾ ਹੈ? ਇਸਨੂੰ ਮੇਰੇ ਤੋਂ ਦੂਰ ਹੀ ਰੱਖਿਓ! ਲੈ ਜਾਓ, ਲੈ ਜਾਓ! ਕਿਸੇ ਨੂੰ ਦੱਸਣਾ ਨਾ। ਠੀਕ ਹੈ। ਮੈਂ ਇਹ ਵੀਹ ਕਰੋੜ ਲੋਕਾਂ ਨੂੰ ਬਿਲਕੁਲ ਨਹੀਂ ਦਿਖਾਵਾਂਗਾ।

ਇਹ ਮੰਦਰ ਇੰਨਾ ਹੀ ਹੈ। ਪਰ ਅਸੀਂ ਇੱਕ ਵਿਸ਼ਾਲ ਸ਼ਹਿਰ ਦੇ ਵਿਚਕਾਰ ਹਾਂ, ਜਿੱਥੇ ਹੋਰ ਵੀ ਕਈ ਪੁਰਾਤਨ ਮੰਦਰ ਹਨ! ਅਤੇ ਇਸ ਵੀਡੀਓ ਵਿੱਚ ਹੀ ਅਸੀਂ ਦੁਨੀਆ ਦੇ ਸੱਤਵੇਂ ਅਜੂਬੇ ਦੇ ਵੀ ਦਰਸ਼ਨ ਕਰਾਂਗੇ! ਚਲੋ ਕੋਈ ਖ਼ਜ਼ਾਨਾ ਲੱਭੀਏ!

ਇਹ ਜੰਗਲ ਬੰਦਰਾਂ, ਸੱਪਾਂ ਨਾਲ ਭਰਿਆ ਹੋਇਆ ਹੈ, ਅਤੇ ਕਈ ਲੋਕਾਂ ਨੂੰ ਤਾਂ ਤੇਂਦੁਏ ਨੇ ਵੀ ਮਾਰਿਆ ਹੈ। ਖ਼ੈਰ, ਅਸੀਂ ਸੱਪਾਂ ਵਾਲੇ ਟਾਪੂ ਤੋਂ ਬਚ ਗਏ... ਰੁਕੋ... ਕੀ ਉਹ ਬੰਦਰ ਹੈ? ਸਿਰ! ਸਿਰ! ਸਿਰ!

ਖ਼ੈਰ ਦੋਸਤੋ, ਇਹ ਉਹ ਥਾਂ ਹੈ ਜਿੱਥੇ ਅਸੀਂ ਅੱਜ ਰਾਤ ਨੂੰ ਕੈਂਪਿੰਗ ਕਰਨ ਵਾਲੇ ਹਾਂ। ਇਹ ਤਾਂ ਹੈਮਕ ਨੇ! ਅਜੇ ਦਰਜਨ ਤੋਂ ਵੱਧ ਮੰਦਰਾਂ ਦੀ ਖੋਜ ਕਰਨੀ ਬਾਕੀ ਹੈ। ਮੈਂ ਚਾਹੁੰਦਾ ਹਾਂ ਚੰਗੀ ਤਰ੍ਹਾਂ ਨੀਂਦ ਲੈ ਲਵੋ, ਕਿਉਂਕਿ ਇਹ ਵੀਡੀਓ ਤਾਂ ਹਾਲੇ ਸ਼ੁਰੂ ਹੀ ਹੋਈ ਹੈ।

ਗੁਡ ਮਾਰਨਿੰਗ ਮੁੰਡਿਓ! ਗੁਡ ਮਾਰਨਿੰਗ! ਸਭ ਤੋਂ ਪਹਿਲਾਂ ਅਸੀਂ ਇਸ ਵਿਸ਼ਾਲ ਸ਼ਹਿਰ ਦੇ ਬਾਕੀ ਹਿੱਸੇ ਦੀ ਖੋਜ ਕਰਨ ਜਾ ਰਹੇ ਹਾਂ! ਇਸ ਵੇਲੇ ਇਸਨੂੰ ਵੇਖ ਕੇ ਇਹ ਅੰਦਾਜ਼ਾ ਲਾਉਣਾ ਮੁਸ਼ਕਿਲ ਹੈ ਕਿ ਇਹ ਸ਼ਹਿਰ ਕਿਵੇਂ ਦਾ ਰਿਹਾ ਹੋਵੇਗਾ! ਚਲੋ ਮੈਂ ਦਿਖਾਉਂਦਾ ਹਾਂ!

ਇਸ ਸ਼ਹਿਰ ਵਿੱਚ ਲੱਖਾਂ ਲੋਕ ਰਿਹਾ ਕਰਦੇ ਸਨ। ਤੇ ਇਹ ਸ਼ਹਿਰ ਕੁਝ ਇਸ ਤਰ੍ਹਾਂ ਦਿਖਦਾ ਸੀ। ਹੋ ਸਕਦਾ ਹੈ ਉਸ ਵੇਲੇ ਇਹ ਰਸਤੇ ਇਸ ਤਰ੍ਹਾਂ ਦਿਸਦੇ ਹੋਣ। ਇੱਥੇ ਹਰ ਜਗ੍ਹਾ ਮੰਦਰ ਸਨ। ਇਹ ਸ਼ਹਿਰ ਖੁਸ਼ਹਾਲ ਸੀ। ਪਰ ਇਸਦੇ ਅੰਦਰ, ਤੁਹਾਨੂੰ ਸ਼ਾਨਦਾਰ ਕਲਾ ਦੇ ਨਮੂਨੇ ਦਿਸਣਗੇ। ਵਾਹ! ਬਈ ਬਹੁਤ ਹੀ ਵਧੀਆ!

ਇਸ ਵੀਡੀਓ 'ਚ ਮੇਰਾ ਮਨਪਸੰਦ ਹਿੱਸਾ ਉਹ ਹੈ ਜਦੋਂ ਅਸੀਂ ਪੁਰਾਣੇ ਚਿੱਤਰਾਂ ਨੂੰ ਜੀਵੰਤ ਬਣਾਇਆ ਸੀ। ਇਨ੍ਹਾਂ ਦਾ ਮਤਲਬ ਕੀ ਹੈ ਇਸ ਬਾਰੇ ਇਹ ਸਾਡਾ ਸਭ ਤੋਂ ਵਧੀਆ ਅੰਦਾਜ਼ਾ ਹੈ! ਹਾਂ, ਇਹ ਤਾਂ ਬਹੁਤ ਹੀ ਵਧੀਆ ਹੈ! ਇਹ ਇੱਕ ਦੁਰਲੱਭ ਦ੍ਰਿਸ਼ ਹੈ ਕਿ 2,500 ਸਾਲ ਪਹਿਲਾਂ ਮਾਯਨ ਲੋਕਾਂ ਦੀ ਜ਼ਿੰਦਗੀ ਕੀ ਰਹੀ ਹੋਵੇਗੀ। ਕਮਾਲ ਹੈ ਯਾਰ!

ਨੋਲਨ ਨੂੰ ਲੱਗਦਾ ਸੀ ਕਿ ਇਹ ਇੱਕ ਲਾਮਾ ਹੈ। ਇਸ ਬਾਰੇ ਇੱਕ ਮਿੰਟ ਗੱਲ ਕਰ ਸਕਦੇ ਹਾਂ? ਨੋਲਨ, ਤੈਨੂੰ ਇਹ ਲਾਮਾ ਲੱਗਿਆ ਸੀ ਨਾ? ਕਿਉਂਕਿ ਦੇਖੋ, ਮੇਰੇ ਹਿਸਾਬ ਨਾਲ ਇਹ ਅੱਖ ਸੀ, ਇਹ ਮੂੰਹ ਸੀ, ਅਤੇ ਮੈਂ ਸੋਚਿਆ ਕਿ ਇਹ ਪੈਰ ਸੀ—ਹਾਂ, ਮੈਂ ਸੋਚਿਆ ਸੀ ਕਿ ਤੂੰ ਸਮਝਦਾਰ ਹੈਂ।

ਜਦੋਂ ਮੈਂ ਨੋਲਨ ਨਾਲ ਮਜ਼ਾਕ ਕੀਤਾ, ਤਾਂ ਨੋਲਨ ਨੇ ਤਾਰਿਕ ਨਾਲ ਇਕ ਮਕੜੀ ਨੂੰ ਲੈ ਕੇ ਮਜ਼ਾਕ ਕਰ ਦਿੱਤਾ! ਤਾਰਿਕ, ਬਸ... ਰੁਕੋ! ਤਾਰਿਕ ਚਲਾ ਜਾਵੇਗਾ!

ਮੇਰੇ ਦੋਸਤਾਂ ਦਾ ਮਜ਼ਾ ਲੈਣ ਦਾ ਤਰੀਕਾ ਅਜੀਬ ਹੈ, ਪਰ ਮਾਯਨ ਲੋਕਾਂ ਦਾ ਤਰੀਕਾ ਸ਼ਾਇਦ ਹੋਰ ਵੀ ਜ਼ਿਆਦਾ ਅਜੀਬ ਰਿਹਾ ਹੋਵੇਗਾ। ਅਸੀਂ ਉਸ ਜਗ੍ਹਾ ਹਾਂ ਜਿੱਥੇ 2,000 ਸਾਲ ਪਹਿਲਾਂ ਇੱਕ ਬਾਲ ਕੋਰਟ ਮੌਜੂਦ ਸੀ। ਪਹਿਲੀ ਵਾਰ ਕਿਸੇ ਟੀਮ ਖੇਡ ਵਿੱਚ ਬਾਲ ਦਾ ਇਸਤੇਮਾਲ ਹੋਇਆ ਸੀ। ਜਿੱਥੇ ਤੱਕ ਸਾਨੂੰ ਪਤਾ ਹੈ, ਹਾਰਨ ਵਾਲੇ ਕਪਤਾਨ ਦਾ ਸਿਰ ਵੀ ਲਾਹ ਦਿੱਤਾ ਜਾਂਦਾ ਸੀ। ਹਾਂ। ਮਾਯਨ ਲੋਕ ਤਾਂ ਪਾਗਲ ਸਨ ਯਾਰ।

ਵਾਹ! ਇਹ ਤਾਂ ਬਹੁਤ ਵੱਡਾ ਹੈ। ਹਾਂ, ਖੂਬਸੂਰਤ ਵੀ। ਅਸੀਂ ਅੱਜ ਕੱਲ੍ਹ ਇਸ ਤਰ੍ਹਾਂ ਦੇ ਮੰਦਰ ਕਿਉਂ ਨਹੀਂ ਬਣਾਉਂਦੇ?

ਕੁਝ 2,000 ਸਾਲ ਪਹਿਲਾਂ, ਇੱਥੇ ਰਾਜਾ ਅਤੇ ਉਸਦੀ ਰਾਣੀ ਰਹਿੰਦੇ ਸਨ... ਪਰ 2,500 ਸਾਲ ਪਹਿਲਾਂ, ਇਹ ਅਜਿਹਾ ਦਿਖਦਾ ਸੀ। ਲੋਕਾਂ ਦੇ ਵਿਸ਼ਾਲ ਸਮੂਹ ਇੱਥੇ ਇਕੱਠੇ ਹੁੰਦੇ ਸਨ ਅਤੇ ਕਈ ਵਾਰੀ ਰਾਜੇ ਦੀ ਇੱਕ ਝਲਕ ਪਾਉਣ ਲਈ ਘੰਟਿਆਂ ਤੱਕ ਇੰਤਜ਼ਾਰ ਕਰਦੇ ਸਨ। ਅਤੇ ਅੱਜ ਇਹ ਹੈ। ਚਲੋ, ਇਸਨੂੰ ਦੇਖਦੇ ਹਾਂ। ਠੀਕ ਹੈ।

2,000 ਸਾਲ ਪਹਿਲਾਂ, ਰਾਜਾ ਸ਼ਾਇਦ ਇੱਥੇ ਖੜ੍ਹਾ ਹੋ ਕੇ ਆਪਣੇ ਮਹਿਲ ਤੋਂ ਖੇਡਾਂ ਦੇਖਦਾ ਸੀ। ਕਿਆ ਨਜ਼ਾਰਾ ਹੈ। ਓ ਤੇਰੀ ਦੀ। ਇਹ ਕੁਝ ਹੱਦ ਤੱਕ ਭੁੱਲ-ਭੁਲੈਯਾ ਵਾਂਗ ਹੈ। ਹਾਂ, ਕਿਉਂਕਿ ਜੇ ਤੁਸੀਂ ਰਾਜੇ ਦੀ ਸੁਰੱਖਿਆ ਕਰਨੀ ਹੈ... ਤੂੰ ਤਾਂ ਕਨਫਿਊਜ਼ ਕਰ ਰਿਹਾ ਹੈਂ। ਕੁਝ ਸਮਝ ਨਹੀਂ ਆ ਰਿਹਾ।

ਅਰਨੈਸਟੋ, ਸੱਚ-ਸੱਚ ਦੱਸ, ਕੀ ਕਦੇ ਕਿਸੇ ਨੇ ਇਹ ਬਲੌਕ ਦਬਾ ਕੇ ਦੇਖਿਆ ਹੈ? ਸ਼ਾਇਦ ਖ਼ਜ਼ਾਨੇ ਦਾ ਦਰਵਾਜ਼ਾ ਹੋਵੇ? ਮੈਂ ਇਹ ਨਹੀਂ ਕਰਾਂਗਾ... ਇਸ ਬਾਰੇ ਕੀ ਖ਼ਿਆਲ ਹੈ? ਤੇ ਇਹ ਵਾਲਾ? ਮਤਲਬ ਰਾਜੇ ਨੇ 2,600 ਸਾਲ ਪਹਿਲਾਂ ਕੋਈ ਖ਼ੁਫ਼ੀਆ ਖ਼ਜ਼ਾਨੇ ਵਾਲਾ ਕਮਰਾ ਬਣਾਇਆ ਸੀ? ਬਣਾਇਆ ਹੋਵੇਗਾ ਪਰ ਖ਼ੁਫ਼ੀਆ ਹੈ!

ਰਾਜੇ ਦੇ ਖ਼ਜ਼ਾਨੇ ਨੂੰ ਲੱਭਣ ਦੀ ਆਸ ਨਾਲ, ਅਸੀਂ ਜੰਗਲ ਵਿਚ ਗਹਿਰੀਆਂ ਗੁਫਾਵਾਂ ਅੰਦਰ ਗਏ, ਜਿੱਥੇ ਖ਼ਜ਼ਾਨਾ ਲੁਕਿਆ ਹੋ ਸਕਦਾ ਹੈ। ਯਾਰ ਜਿਮੀ ਨੇ ਇਨ੍ਹਾਂ ਚਮਗਾਦੜਾਂ ਬਾਰੇ ਕੁਝ ਨਹੀਂ ਸੀ ਦੱਸਿਆ ਵੀਰੇ! ਓਹ ਤੇਰੀ ਦੀ, ਇੱਥੇ ਬਹੁਤ ਚਮਗਾਦੜ ਨੇ! ਉਹ ਸਾਡੇ ਬਿਲਕੁਲ ਪਿੱਛੋਂ ਉੱਡ ਕੇ ਗਈਆਂ ਨੇ।

ਮਾਯਨ ਲੋਕ ਸੋਚਦੇ ਸਨ ਕਿ ਇਹ ਧਰਤੀ ਦੇ ਦੈਂਤ ਦਾ ਮੂੰਹ ਹੈ। ਹੁਣ ਸਾਡੇ ਉੱਪਰ ਵੇਖੋ। ਚਮਗਾਦੜਾਂ ਨੇ ਸਾਨੂੰ ਘੇਰਾ ਪਾ ਲਿਆ ਹੈ! ਹਜ਼ਾਰਾਂ ਚਮਗਾਦੜ ਸਾਨੂੰ ਘੇਰ ਰਹੇ ਹਨ। ਯਾਰ, ਇਹ ਤਾਂ ਚਮਗਾਦੜਾਂ ਦਾ ਟੋਰਨੇਡੋ ਹੈ।

ਜੇ ਇੱਥੇ ਮਾਯਨ ਦਾ ਕੋਈ ਖ਼ਜ਼ਾਨਾ ਹੈ, ਤਾਂ ਇਹ ਕਈ ਟਨ ਚਮਗਾਦੜਾਂ ਦੀ ਵਿੱਠ ਦੇ ਹੇਠਾਂ ਹੋਵੇਗਾ। ਚਮਗਾਦੜਾਂ ਦੀ ਵਿੱਠ। ਮੈਨੂੰ ਲੱਗਦਾ ਹੈ ਮੈਨੂੰ ਖ਼ਜ਼ਾਨਾ ਮਿਲ ਗਿਆ ਹੈ। ਖੂਬਸੂਰਤ ਜਗ੍ਹਾ ਹੈ। ਚਲੋ ਹੁਣ ਚੱਲਦੇ ਹਾਂ। ਇੱਥੇ ਬਹੁਤ ਸਾਰੇ ਚਮਗਾਦੜ ਨੇ। ਥੋੜ੍ਹਾ ਛੇਤੀ ਚੱਲੋ ਯਾਰ। ਆਏ ਹਾਏ, ਮੇਰੇ ਤੇ ਵਿੱਠ ਪੈ ਗਈ! ਮੇਰੇ ਲਈ, ਇਹੀ ਸੱਚਾ ਖ਼ਜ਼ਾਨਾ ਹੈ।

ਓਹ, ਮੇਰਾ ਹੱਥ ਲੱਗ ਗਿਆ! ਨੋਲਨ, ਇੱਥੋਂ ਨਿਕਲਣਾ ਪਵੇਗਾ। ਇੱਥੇ ਕੋਈ ਖ਼ਜ਼ਾਨਾ ਨਹੀਂ ਹੈ, ਛੇਤੀ ਨਾਲ ਇੱਥੋਂ ਨਿਕਲਣਾ ਪਵੇਗਾ! ਪਰ ਇੱਕ ਹੋਰ ਮੰਦਰ ਹੈ ਜਿੱਥੇ ਖ਼ਜ਼ਾਨਾ ਹੋ ਸਕਦਾ ਹੈ। ਪਰ ਕਿਉਂਕਿ ਹੁਣ ਰਾਤ ਹੋ ਚੁੱਕੀ ਹੈ... ਮੁੰਡਿਓ, ਆਪਣੀਆਂ ਮਸ਼ਾਲਾਂ ਜਲਾਓ, ਇਕ ਰੋਮਾਂਚਕ ਸਫ਼ਰ ਤੇ ਚੱਲਦੇ ਹਾਂ।

ਜੇ ਇਹ ਮਸ਼ਾਲਾਂ ਪੁਰਾਤਨ ਮੰਦਰ ਤੱਕ ਪਹੁੰਚਣ ਤੋਂ ਪਹਿਲਾਂ ਬੁਝ ਗਈਆਂ, ਤਾਂ ਬਹੁਤ ਬੁਰਾ ਲੱਗੇਗਾ। ਮੰਦਰ! ਮੰਦਰ! ਮੰਦਰ! ਇਨ੍ਹਾਂ ਮਸ਼ਾਲਾਂ ਨਾਲ ਕਾਫ਼ੀ ਵਧੀਆ ਲੱਗ ਰਿਹਾ ਹੈ। ਚਲੋ ਦੇਖੀਏ ਇਹ ਕਿਵੇਂ ਦਿਸਦਾ ਹੈ। ਪੁਰਾਣੇ ਰੋਮਾਂਚਕ ਸਫ਼ਰ ਦੀ ਯਾਦ ਦਿਵਾ ਰਿਹਾ ਹੈ।

ਪਰ ਫਿਰ ਪਤਾ ਚੱਲਿਆ... ਠੀਕ ਹੈ, ਅੱਗੇ ਰਸਤਾ ਬੰਦ ਹੈ। ਇਹ ਰਸਤਾ ਵੀ ਬੰਦ ਹੀ ਹੈ! ਹਰ ਰਸਤਾ ਬੰਦ ਹੀ ਮਿਲ ਰਿਹਾ ਹੈ! ਓਹ ਤੇਰੀ ਦੀ, ਇਹ ਕੀ ਸੀ? ਇਹ ਕੀ ਸੀ? ਲੱਗਦਾ ਹੈ ਉੱਪਰ ਕੋਈ ਬੰਦਰ ਹੈ। ਇੱਕ ਮਿੰਟ, ਬੰਦਰ ਹੈ ਜਾਂ ਫਿਰ ਤੇਂਦੁਆ? ਇਹ ਵੀਡੀਓ ਅਚਾਨਕ ਡਰਾਉਣੀ ਕਿਵੇਂ ਹੋ ਰਹੀ ਹੈ?

ਅੱਜ ਰਾਤ ਚੰਗੀ ਤਰ੍ਹਾਂ ਸੌ ਜਾਣਾ, ਕਿਉਂਕਿ ਸਵੇਰੇ ਮੈਂ ਤੁਹਾਡੇ ਲਈ ਇੱਕ ਵੱਡਾ ਸਰਪ੍ਰਾਈਜ਼ ਰੱਖਿਆ ਹੈ। ਇਕ ਮਿੰਟ ਰੁਕੋ, ਤੁਹਾਨੂੰ ਲੱਗਦਾ ਸੀ ਇਹ ਸਾਰਾ ਵੀਡੀਓ ਇਸ ਸ਼ਹਿਰ ਵਿੱਚ ਮੌਜੂਦ ਹਜ਼ਾਰਾਂ ਪੁਰਾਤਨ ਮੰਦਰਾਂ ਵਾਸਤੇ ਹੀ ਸੀ? ਹਾਂ। ਹਾਂ, ਮੈਨੂੰ ਲੱਗਦਾ ਹੈ। ਹੈਲੀਕਾਪਟਰ ਵਾਪਸ ਭੇਜੋ।

ਕਿਉਂਕਿ ਹੋਰ ਅੱਗੇ ਖੋਜ ਕਰਨ ਲਈ, ਸਾਨੂੰ ਇੱਕ ਸਵਾਰੀ ਦੀ ਲੋੜ ਸੀ। ਮੇਰੀ ਤਾਂ ਹਾਲਤ ਕੁੱਤੇ ਵਰਗੀ ਹੋ ਗਈ ਹੈ—ਬਸ ਪਹੁੰਚ ਹੀ ਗਏ! ਇਹ ਰਹੀ ਸਾਡੀ ਸਵਾਰੀ! ਠੀਕ ਹੈ, ਜਾਣਾ ਪਵੇਗਾ। ਚਲੋ ਹੋਰ ਮੰਦਰਾਂ ਦੀ ਖੋਜ ਕਰੀਏ! ਜਿੱਥੇ ਮਨੁੱਖਤਾ ਦੁਆਰਾ ਬਣਾਈਆਂ ਗਈਆਂ ਕੁਝ ਸਭ ਤੋਂ ਅਜੀਬ ਪੁਰਾਤਨ ਥਾਂਵਾਂ ਮੌਜੂਦ ਹਨ।

ਅਤੇ ਇਸ ਖੋਜ ਦੀ ਸ਼ੁਰੂਆਤ ਵਿਚ ਅਸੀਂ ਇਸ ਪੁਰਾਤਨ ਮੰਦਰ ਨੂੰ ਦੇਖਣ ਜਾ ਰਹੇ ਹਾਂ, ਜਿਸਨੂੰ ਮਾਯਨ ਲੋਕ ਪਤਾਲ ਦਾ ਦਰਵਾਜ਼ਾ ਕਹਿੰਦੇ ਸਨ। ਪੁਰਾਣੇ ਸਮੇਂ ਵਿੱਚ, ਇੱਥੇ ਵਿਸ਼ਾਲ ਦੰਦ ਹੁੰਦੇ ਸਨ। ਉਹ ਕਿੱਥੇ ਗਏ? ਉਹ ਡਿੱਗ ਗਏ। ਗੱਲ ਤਾਂ ਸਹੀ ਹੈ। ਚਲੋ, ਖੋਜ ਕਰੀਏ!

ਵਾਹ, ਇਹ ਬਹੁਤ ਵਧੀਆ ਹੈ। ਇੱਥੇ ਕੁਝ ਖ਼ਾਸ ਚੀਜ਼ਾਂ ਨੇ ਜੋ ਮੈਨੂੰ ਪਸੰਦ ਆਈਆਂ, ਜਿਵੇਂ ਕਿ ਉਹ ਢਾਂਚਾ ਜੋ ਵਿਚਕਾਰ ਹੈ। ਵਾਹ। ਮੇਰਾ ਅੰਦਾਜ਼ਾ ਹੈ ਕਿ ਇਹ ਇਮਾਰਤ ਇੱਕ ਮੰਦਰ ਸੀ। ਕੀ ਇਹ ਕੁਰਬਾਨੀਆਂ ਲਈ ਸੀ? ਹਾਂ। ਠੀਕ ਪਛਾਣਿਆ। ਚਲੋ ਕੁਝ ਤਾਂ ਸਹੀ ਕੀਤਾ! ਡਰਪੋਕ ਕਿਤੇ ਦਾ! ਉਸਦੀ ਟੋਪੀ ਡਿੱਗ ਗਈ।

ਪਰ ਸਾਡਾ ਗਾਈਡ ਅਸਲ ਵਿਚ ਸਾਨੂੰ ਜੋ ਦਿਖਾਉਣਾ ਚਾਹੁੰਦਾ ਸੀ ਉਹ ਸੀ ਇੱਕ ਗੁਫਾ ਜਿੱਥੋਂ ਮਾਯਨ ਲੋਕਾਂ ਮੁਤਾਬਿਕ ਇਨਸਾਨ ਬਾਹਰ ਆਏ ਸੀ। ਮਾਯਨ ਲੋਕ ਮੰਨਦੇ ਸਨ ਕਿ ਮਨੁੱਖਤਾ ਇੱਕ ਗੁਫਾ 'ਚੋਂ ਆਈ ਸੀ। ਉਸ ਗੁਫਾ ਦੇ ਅੰਦਰ ਬਹੁਤ ਗਹਿਰਾਈ ਵਿਚ ਹੈ 'ਜੀਵਨ ਦਾ ਦਰੱਖਤ', ਅਤੇ ਉਹ ਮੰਨਦੇ ਸਨ ਕਿ ਅਸੀਂ ਸਾਰੇ ਇਸ ਬਹੁਤ ਹੀ ਸ਼ਾਨਦਾਰ, ਸੋਹਣੇ ਦਰੱਖਤ ਤੋਂ ਪੈਦਾ ਹੋਏ ਹਾਂ ਜੋ ਇਸ ਗੁਫਾ ਦੇ ਅੰਦਰ ਮੌਜੂਦ ਸੀ।

ਇਹ ਇੰਨਾ ਪਵਿੱਤਰ ਹੈ ਕਿ ਇਸਦੇ ਅੰਦਰ ਜਾਣ ਤੋਂ ਪਹਿਲਾਂ ਗੁਫਾ ਦੀਆਂ ਆਤਮਾਵਾਂ ਤੋਂ ਇਜਾਜ਼ਤ ਮੰਗਣ ਲਈ ਝਾੜ-ਫੂਕ ਕਰਨੀ ਪਵੇਗੀ। ਜੇ ਮੈਂ ਕੋਈ ਸੱਟੇਬਾਜ਼ ਹੁੰਦਾ ਤਾਂ ਕਹਿ ਸਕਦਾ ਸੀ ਆਤਮਾਵਾਂ ਨੋਲਨ ਨੂੰ ਕਬੂਲ ਨਹੀਂ ਕਰਨਗੀਆਂ।

ਤੇ ਜਦੋਂ ਅਸੀਂ ਗੁਫਾ ਵਿੱਚ ਪਹੁੰਚੇ... ਵਾਹ। ਠੀਕ ਹੈ। ਇਹ ਤਾਂ ਵਾਕਈ ਪਵਿੱਤਰ ਲੱਗ ਰਿਹਾ ਹੈ। ਆਓ, ਆਤਮਾਵਾਂ ਨੇ ਉਸਨੂੰ ਸਵੀਕਾਰ ਕਰ ਲਿਆ। ਇਹ ਕੀ ਕਰ ਰਿਹਾ ਹੈ? ਉਹ ਗੁਫਾ ਦੇ ਦਰਵਾਜ਼ੇ ਨੂੰ ਪਵਿੱਤਰ ਕਰ ਰਿਹਾ ਹੈ। ਅਤੇ ਇੱਥੇ ਹੀ ਅਸੀਂ ਦੇਵਤਿਆਂ ਤੋਂ ਮਨਜ਼ੂਰੀ ਮੰਗਾਂਗੇ।

ਕੁਦਰਤੀ ਤੌਰ ਤੇ, ਮੈਨੂੰ ਕੋਈ ਫ਼ਿਕਰ ਨਹੀਂ ਸੀ। ਪਰ ਕੀ ਦੇਵਤਾ ਵਾਕਈ ਨੋਲਨ ਨੂੰ ਇਸ ਪਵਿੱਤਰ ਸਥਾਨ ਵਿੱਚ ਪ੍ਰਵੇਸ਼ ਕਰਨ ਦੀ ਆਗਿਆ ਦੇਣ ਵਾਲੇ ਸਨ? ਮੈਂ ਉਮੀਦ ਕਰਦਾ ਹਾਂ ਕਿ ਉਹ ਮੈਨੂੰ ਸਵੀਕਾਰ ਕਰ ਲੈਣ। ਲੱਗਦਾ ਹੈ ਇਹ ਠੀਕ ਹੈ। ਇਹ ਕੀ ਕਰ ਰਿਹਾ ਹੈ? ਠੀਕ ਹੈ, ਸਭ ਠੀਕ ਹੈ ਨਾ? ਆ ਜਾਓ, ਆਤਮਾਵਾਂ ਨੇ ਉਹਨੂੰ ਸਵੀਕਾਰ ਕਰ ਲਿਆ ਹੈ। ਹਾਂ, ਸ਼ੁਕਰ ਹੈ!

ਇਸ ਤਰ੍ਹਾਂ ਰੱਬ ਦਾ ਓਟ ਆਸਰਾ ਲੈ ਕੇ, ਜ਼ਿੰਦਗੀ ਦੇ ਦਰਖ਼ਤ ਦੀ ਖੋਜ ਵਾਲਾ ਆਪਣਾ ਸਫ਼ਰ ਸ਼ੁਰੂ ਕੀਤਾ। ਪਰ ਜਿਵੇਂ-ਜਿਵੇਂ ਅਸੀਂ ਗੁਫ਼ਾ 'ਚ ਅੰਦਰ ਗਏ, ਗਰਮੀ ਵਧਦੀ ਗਈ। ਸਿਰਫ਼ ਮੈਨੂੰ ਹੀ ਲੱਗ ਰਿਹਾ ਹੈ, ਜਾਂ ਗਰਮੀ ਵਾਕਈ ਵਧ ਰਹੀ ਹੈ? ਹਾਂ, ਗਰਮੀ ਵਧਦੀ ਜਾ ਰਹੀ ਹੈ ਤੇ ਸਾਹ ਲੈਣਾ ਵੀ ਔਖਾ ਹੋ ਰਿਹਾ ਹੈ। ਸਾਹ ਲੈਣਾ ਔਖਾ ਹੋ ਰਿਹਾ, ਹਾਂ। ਮੈਨੂੰ ਬਹੁਤ ਗਰਮੀ ਲੱਗ ਰਹੀ ਹੈ!

ਜਿੰਨਾ ਗੁਫਾ ਦੇ ਅੰਦਰ ਜਾਵਾਂਗੇ, ਹਵਾ ਘੱਟ ਹੁੰਦੀ ਜਾਵੇਗੀ। ਪਤਾ ਨਹੀਂ ਤੁਹਾਨੂੰ ਮੇਰਾ ਪਸੀਨਾ ਦਿੱਸ ਰਿਹਾ ਕਿ ਨਹੀਂ ਪਰ ਇੱਥੇ ਸੱਚਮੁੱਚ ਬਹੁਤ ਗਰਮੀ ਹੈ। ਇਹ ਗੁਫ਼ਾ ਤਾਂ ਲੱਗਦਾ ਏ ਖ਼ਤਮ ਹੋਣ ਦਾ ਨਾਂ ਹੀ ਨਹੀਂ ਲੈਂਦੀ ਪਰ ਚੰਗਾ ਹੈ ਕਿ ਚਮਗਾਦੜ ਨਹੀਂ ਨੇ।

ਤੁਸੀਂ ਜੋ ਕੁਝ ਵੀ ਹੁਣ ਵੇਖ ਰਹੇ ਹੋ, ਇਹ ਮਾਯਨ ਲੋਕਾਂ ਨੇ ਦੁਨੀਆ ਤੋਂ ਲੁਕੋ ਕੇ ਰੱਖਿਆ ਸੀ। ਉਨ੍ਹਾਂ ਨੇ ਇਸਨੂੰ ਪੂਰੀ ਤਰ੍ਹਾਂ ਸੀਲ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਦੋ ਹਜ਼ਾਰ ਸਾਲ ਪਹਿਲਾਂ ਜੇਕਰ ਤੁਸੀਂ ਮਾਯਨ ਹੋਵੋ, ਤੇ ਇਹ ਸੋਹਣੀ ਗੁਫ਼ਾ ਵੇਖ ਰਹੇ ਹੋ, ਫਿਰ ਅਚਾਨਕ ਇਹ ਖੂਬਸੂਰਤ ਕਮਰਾ ਵੇਖੋ। ਵਾਹ। ਤੇ ਇਹ ਸ਼ਾਨਦਾਰ ਦਰਖ਼ਤ।

'ਜ਼ਿੰਦਗੀ ਦਾ ਦਰਖ਼ਤ' ਸੱਚਮੁੱਚ ਇੱਕ ਦਰਖ਼ਤ ਹੋਵੇਗਾ ਇਹ ਸੋਚਣ ਵਾਲਾ ਕੀ ਮੈਂ ਇਕੱਲਾ ਸੀ? ਹਾਂ, ਇਹੀ ਹੈ। ਇਹੀ ਪਵਿੱਤਰ ਸੇਬਾ ਹੈ ਜੋ ਅਸਮਾਨ ਨੂੰ ਥੰਮ ਕੇ ਰੱਖਦਾ ਹੈ। ਕੀ ਆਲੇ-ਦੁਆਲੇ ਇਹ ਬਰਤਨ, ਮਾਯਨ ਲੋਕਾਂ ਦੇ ਬਣਾਏ ਹੋਏ ਹੀ ਨੇ? ਹਾਂ ਜੀ, ਲੰਬੇ ਵਾਲਿਆਂ ਵਿਚ ਧੂਫ਼ ਬਾਲੀ ਜਾਂਦੀ ਸੀ, ਤਾਂ ਜੋ ਰੱਬ ਦੀ ਕਿਰਪਾ ਹਾਸਲ ਹੋ ਸਕੇ। ਇਹ ਬਹੁਤ ਕਮਾਲ ਹੈ।

ਹਜ਼ਾਰਾਂ ਸਾਲ ਪਹਿਲਾਂ ਆਏ ਮਾਯਨ ਲੋਕਾਂ ਬਾਰੇ ਸੋਚੋ, ਜੋ ਸੱਚਮੁੱਚ ਮੰਨਦੇ ਸੀ ਕਿ ਮਨੁੱਖ ਇੱਥੋਂ ਹੀ ਆਏ ਸਨ, ਤਾਂ ਮੈਂ ਸਮਝ ਸਕਦਾ ਹਾਂ ਕਿ ਇਹ ਜਗ੍ਹਾ ਕਿੰਨੀ ਪਵਿੱਤਰ ਸਮਝੀ ਜਾਂਦੀ ਹੋਵੇਗੀ। ਬਿਲਕੁਲ, ਬਿਲਕੁਲ।

ਪਰ ਇਹ ਗੁਫ਼ਾ ਹੁਣ ਬਹੁਤ ਹੀ ਖ਼ਤਰਨਾਕ ਹੋਣ ਵਾਲੀ ਹੈ, ਕਿਉਂਕਿ ਜਿੱਥੇ ਅਸੀਂ ਅੱਗੇ ਜਾ ਰਹੇ ਹਾਂ ਉੱਥੇ ਸਾਨੂੰ ਸਾਹ ਲੈਣ ਲਈ ਸੱਚਮੁੱਚ ਆਕਸੀਜਨ ਟੈਂਕ ਦੀ ਲੋੜ ਪਏਗੀ। ਮੈਂ ਆਪਣੇ ਵੀਡੀਓਜ਼ ਵਿਚ ਹਮੇਸ਼ਾ ਮਰਨ ਵਾਲੇ ਕੰਮ ਕਿਉਂ ਕਰਦਾ ਹਾਂ? ਇਹ ਸਭ ਤੋਂ ਖ਼ਤਰਨਾਕ ਖ਼ਿਆਲ ਸੀ!

ਆਕਸੀਜਨ ਟੈਂਕ 'ਚੋਂ ਕੁਝ ਲੰਮੇ ਸਾਹ ਭਰ ਲੈਣ ਤੋਂ ਬਾਅਦ... ਅਸੀਂ ਕਿੰਨੀ ਗਹਿਰਾਈ ਵਿੱਚ ਜਾ ਰਹੇ ਹਾਂ? ਤਕਰੀਬਨ ਦੋ ਫੁਟਬਾਲ ਗਰਾਊਂਡ ਬਰਾਬਰ। ਮੈਂ ਤਾਂ ਇੱਥੇ ਹੀ ਰੁਕ ਰਿਹਾ ਹਾਂ! ਤੂੰ ਹਮੇਸ਼ਾ ਪਿੱਛੇ ਹਟ ਜਾਂਦਾ ਏ! ਉਹ ਕਹਿ ਰਿਹਾ ਸੀ ਕਿ ਇੱਥੇ ਆਕਸੀਜਨ ਨਹੀਂ ਹੈ। ਮੈਂ ਇਹ ਨਹੀਂ ਸੁਣਨਾ ਚਾਹੁੰਦਾ!

ਨੋਲਨ ਸ਼ਾਇਦ ਸਹੀ ਕਹਿ ਰਿਹਾ ਸੀ, ਕਿਉਂਕਿ ਸਾਡਾ ਗਾਈਡ ਸਾਨੂੰ ਜੋ ਪਹਿਲੀ ਚੀਜ਼ ਦਿਖਾਉਣ ਜਾ ਰਿਹਾ ਸੀ... ਚੱਕਰ ਆ ਰਹੇ ਨੇ—ਤੂੰ ਠੀਕ ਹੈਂ? ਹੈਲੋ। ਮੈਂ ਠੀਕ ਹਾਂ, ਠੀਕ ਹਾਂ। ਭਾਵੇਂ ਚੰਗਾ ਲੱਗੇ ਜਾਂ ਮਾੜਾ, ਤੈਨੂੰ ਆਕਸੀਜਨ ਲੈਣੀ ਹੀ ਚਾਹੀਦੀ ਹੈ, ਸਾਹ ਲੈ।

ਖ਼ੈਰ, ਤੂੰ ਕੀ ਕਹਿ ਰਿਹਾ ਸੀ? ਦਰਅਸਲ ਇੱਥੇ ਕੁਝ ਮਿੱਟੀ ਦੇ ਪੱਤਰੇ ਹਨ। ਵਾਹ, ਇਹ ਤਾਂ ਬਹੁਤ ਸ਼ਾਨਦਾਰ ਹੈ। ਕੀ ਮੈਂ ਇੱਕ ਘਰ ਲੈ ਜਾ ਸਕਦਾ ਹਾਂ? ਜੇਲ੍ਹ ਜਾਣ ਦਾ ਇਰਾਦਾ ਹੈ ਕੀ? ਜੇਲ੍ਹ ਜਾਣਾ ਪਵੇਗਾ? ਹਾਂ, ਬਿਲਕੁਲ। ਠੀਕ ਹੈ, ਰਹਿਣ ਦਿਓ ਫਿਰ!

ਯਾਰ, ਯਕੀਨ ਨਹੀਂ ਹੋ ਰਿਹਾ ਇੰਨੀ ਆਸਾਨੀ ਨਾਲ ਯਕੀਨ ਕਰ ਲਿਆ। ਬਹੁਤ ਹੀ ਭੋਲੇ ਇਨਸਾਨ ਨੇ, ਹੁਣ ਸਮਾਂ ਹੈ ਇਨ੍ਹਾਂ ਨੂੰ ਥੋੜ੍ਹਾ ਜਿਹਾ ਡਰ ਦੀ ਡੋਜ਼ ਦੇਣ ਦਾ! ਇਹ ਟਨਲ ਵਿੱਚ ਲਟਕੇ ਚਮਗਾਦੜ ਦੇਖੋ। ਅੱਗੇ ਚੱਲਦੇ ਹਾਂ! ਰੁਕੋ, ਮੈਂ ਅਸਲ 'ਚ—ਸੱਚ ਆਖਾਂ ਤਾਂ ਮੇਰੇ ਮਨ ਵਿਚ ਇੱਕ ਸਵਾਲ ਆ ਰਿਹਾ ਹੈ, ਕੀ ਚਮਗਾਦੜ ਇਨਸਾਨਾਂ ਨੂੰ ਦੰਦੀ ਵੀ ਵੱਢਦੇ ਨੇ? ਲੁਕਣ ਦੀ ਥਾਂ ਮਿਲ ਗਈ! ਓਹ ਇੱਥੇ ਚਮਗਾਦੜ ਹੈ!

ਜਿਮੀ, ਥੋੜ੍ਹੀ ਆਕਸੀਜਨ ਹੋਰ ਲੈ ਲੈ। ਕਿਉਂਕਿ ਅਸੀਂ ਹੋਰ ਗਹਿਰਾਈ ਵਿੱਚ ਜਾ ਰਹੇ ਹਾਂ। ਲੈ ਥੋੜ੍ਹੀ ਲੈ ਲੈ! ਹੁਣ ਥੋੜ੍ਹੀ ਹਵਾ ਆ ਰਹੀ ਹੈ! ਪਰ ਜਿਵੇਂ ਅਸੀਂ ਅਖ਼ੀਰ ਵਿਚ ਪਹੁੰਚੇ, ਸਾਨੂੰ ਇਸ ਟਨਲ ਦੇ ਬਾਸ ਦਾ ਸਾਹਮਣਾ ਕਰਨਾ ਪਿਆ।

ਵੇਖ ਰਹੇ ਹੋ, ਉਹ—ਠੀਕ ਹੈ—ਪੱਥਰਾਂ ਦੀ ਝਾਲਰ? ਇੱਕ ਮਿੰਟ ਜਿਮੀ, ਤੇਰੇ ਪਿੱਛੇ ਦੁਨੀਆ ਦੀ ਸਭ ਤੋਂ ਵੱਡੀ ਮਕੜੀ ਹੈ। ਓ ਤੇਰੀ ਦੀ! ਮਾਯਨ ਲੋਕ ਮਕੜੀਆਂ ਨੂੰ ਕੀ ਮੰਨਦੇ ਸੀ? ਕੀ ਲੱਗਦਾ ਹੈ, ਦੁਨੀਆ ਦੀ ਸਭ ਤੋਂ ਵੱਡੀ ਮਕੜੀ ਮਾਯਨ ਲੋਕਾਂ ਦੇ ਸਭ ਤੋਂ ਪਵਿੱਤਰ ਸਥਾਨ ਦੇ ਅੰਤ ਵਿੱਚ, ਇਹ ਇੱਥੇ ਕੀ ਕਰ ਰਹੀ ਹੈ? ਕਿਸੇ ਚੀਜ਼ ਦੀ ਰਾਖੀ! ਤੁਹਾਨੂੰ ਕੀ ਲੱਗਦਾ ਹੈ? ਇਹੀ ਲੱਗਦਾ ਹੈ!

ਇਸ ਮਕੜੀ ਨਾਲ ਲੜਨ ਤੋਂ ਬਿਹਤਰ ਹੈ, ਅਸੀਂ ਇਸ ਗੁਫਾ ਦੇ ਰਾਜ਼ ਨੂੰ ਰਾਜ਼ ਹੀ ਰਹਿਣ ਦਿੰਦੇ ਹਾਂ! ਓਹ ਤੇਰੀ ਦੀ! ਤੂੰ ਤਾਂ ਡਰਾ ਦਿੱਤਾ ਯਾਰ! ਮੈਂ ਤਾਂ ਤੇਰੇ ਮੂੰਹ ਤੇ ਆਕਸੀਜਨ ਟੈਂਕ ਮਾਰਨ ਵਾਲਾ ਸੀ!

ਉੱਥੋਂ ਬਚ ਕੇ ਆਉਣ ਤੋਂ ਬਾਅਦ, ਅਸੀਂ ਥੱਕ ਚੁੱਕੇ ਸੀ। ਇਸ ਲਈ ਅਸੀਂ ਆਪਣੇ ਨਵੇਂ ਕੈਂਪ ਵੱਲ ਆਰਾਮ ਕਰਨ ਲਈ ਚੱਲ ਪਏ! ਕਿਉਂਕਿ ਨਾ ਸਿਰਫ਼ ਸਾਨੂੰ ਦੁਨੀਆਂ ਦੇ ਸੱਤਵੇਂ ਵੰਡਰ ਦੇਖਣ ਲਈ ਤਾਕਤ ਦੀ ਲੋੜ ਸੀ।

ਖੋਜ ਦੇ ਚੌਥੇ ਦਿਨ ਮੈਂ ਜਾਣਨਾ ਚਾਹੁੰਦਾ ਸੀ ਕਿ ਮਾਯਨ ਲੋਕ ਮਸਤੀ ਲਈ ਕੀ ਕਰਦੇ ਸੀ। ਸਭ ਤੋਂ ਪਹਿਲਾਂ, ਪਹਿਲੀ ਟੀਮ ਵਾਲੀ ਖੇਡ ਜਿਸ ਵਿੱਚ ਗੇਂਦ ਦਾ ਇਸਤੇਮਾਲ ਕੀਤਾ ਗਿਆ। 3000 ਸਾਲ ਪਹਿਲਾਂ, ਮਾਯਨ ਲੋਕਾਂ ਨੇ ਪਿੱਟਜ਼ ਖੇਡ ਦੀ ਖੋਜ ਕੀਤੀ ਸੀ, ਜਿਸ ਵਿੱਚ ਤੁਸੀਂ ਗੇਂਦ ਨੂੰ ਛੋਟੇ ਹੂਪ ਵਿਚ ਪਾ ਕੇ ਸਕੋਰ ਕਰ ਸਕਦੇ ਹੋ, ਬਿਲਕੁਲ ਬਾਸਕਟਬਾਲ ਵਾਂਗ। ਪਰ ਇਸ ਵਿਚ ਫੁਟਬਾਲ ਦੀ ਤਰ੍ਹਾਂ ਤੁਸੀਂ ਹੱਥ ਨਹੀਂ ਵਰਤ ਸਕਦੇ।

ਤੁਹਾਨੂੰ ਯਾਦ ਹੈ ਦੂਜੇ ਦਿਨ ਅਸੀਂ ਕੀ ਕਿਹਾ ਸੀ... ਹਾਰਨ ਵਾਲੇ ਕੈਪਟਨ ਦਾ ਸਿਰ ਕੱਟ ਦਿੱਤਾ ਜਾਵੇਗਾ। ਸਿਰ? ਬਹੁਤ ਮੁਸ਼ਕਿਲ ਹੈ। ਪਰ ਕੋਸ਼ਿਸ਼ ਕਰਕੇ ਸਿੱਖ ਹੀ ਲਵਾਂਗੇ!

ਵਕ਼ਤ ਦੇ ਨਾਲ ਸਾਨੂੰ ਗੇਂਦ ਤੇ ਕਾਬੂ ਪਾਉਣਾ ਤਾਂ ਆ ਗਿਆ ਪਰ ਹਾਲੇ ਵੀ ਸਕੋਰਿੰਗ ਕਰਨਾ ਸਾਡੇ ਵੱਸ ਦਾ ਨਹੀਂ ਸੀ! ਇਸ ਕਰਕੇ ਮੈਂ ਆਪਣੇ ਕੈਮਰੇ ਵਾਲਿਆਂ ਨੂੰ ਵੀ ਮਦਦ ਲਈ ਲੈ ਆਇਆ। ਪਰ ਫਿਰ ਵੀ, ਸਾਡੀ ਕਿਸਮਤ ਵਿਚ ਨਾਕਾਮੀ ਦਰ ਨਾਕਾਮੀ ਦਰ ਨਾਕਾਮੀ ਹੀ ਲਿਖੀ ਹੋਈ ਸੀ! ਰੁਕੋ, ਰੁਕੋ। ਸ਼ਾਇਦ ਸਕੋਰ ਕਦੇ ਨਹੀਂ ਹੋਵੇਗਾ!

ਪਰ ਪੁਰਾਣੇ ਸਮਿਆਂ ਵਿੱਚ, ਹਾਰ ਮੰਨਣ ਦਾ ਮਤਲਬ ਸੀ ਸੱਚਮੁੱਚ ਆਪਣਾ ਸਿਰ ਕਟਵਾ ਦੇਣਾ। ਨੋਲਨ? ਲੰਮੇ ਪੈਣ ਦਾ ਵਕ਼ਤ ਨਹੀਂ ਯਾਰ। ਅਤੇ ਇਸ ਤਰ੍ਹਾਂ ਨਾਕਾਮੀ ਦਰ ਨਾਕਾਮੀ ਜਾਰੀ ਰਹੀ, ਪਰ ਅਚਾਨਕ...

ਇਸ ਮੁਸ਼ਕਿਲ ਖੇਡ ਵਿੱਚ ਸਾਰਾ ਦਿਨ ਥੱਕ ਹਾਰ ਕੇ, ਬਚੇ ਹੋਏ ਖਿਡਾਰੀ ਜ਼ਿੰਦਗੀ ਦਾ ਜਸ਼ਨ ਮਨਾਉਂਦੇ ਹੋਏ ਇੱਕ ਸਿੰਕਹੋਲ ਵਿੱਚ ਜਾ ਸਕਦੇ ਸਨ, ਜਿੱਥੇ ਉਹ ਕੁਦਰਤੀ ਝੀਲਾਂ ਵਿੱਚ ਡੁਬਕੀ ਮਾਰ ਸਕਦੇ ਸਨ। ਹਾਲਾਂਕਿ ਮੈਂ ਕਿਸੇ ਦਾ ਸਿਰ ਨਹੀਂ ਕੱਟ ਰਿਹਾ ਪਰ ਨੋਲਨ ਨੇ ਪਿੱਟਜ਼ ਵਿੱਚ ਹਾਰ ਮੰਨ ਲਈ।

ਕੀ ਪਾਣੀ ਠੰਡਾ ਹੈ? ਬਹੁਤ ਤਾਜ਼ਗੀ ਮਹਿਸੂਸ ਹੋ ਰਹੀ ਹੈ! ਸੱਚੀਂ? ਹਾਂ। ਜਾ ਕੇ ਦੇਖ! ਇਹ ਪਾਣੀ ਵਾਕਈ ਸ਼ਾਨਦਾਰ ਲੱਗ ਰਿਹਾ ਹੈ। ਓਨਾ ਵੀ ਵਧੀਆ ਨਹੀਂ ਹੈ ਜਿੰਨਾ ਤੈਨੂੰ ਲੱਗ ਰਿਹਾ ਹੈ! ਇਹ ਤਾਂ ਬਹੁਤ ਠੰਡਾ ਹੈ!

ਹਾਲਾਂਕਿ ਇਸ ਝੀਲ ਵਿਚ ਤੈਰਨ ਦਾ ਤਜਰਬਾ ਤਾਜ਼ਗੀ ਭਰਿਆ ਹੈ, ਸਭ ਤੋਂ ਸ਼ਾਨਦਾਰ ਮਾਯਨ ਮੰਦਰ—ਦੁਨੀਆਂ ਦਾ ਸੱਤਵਾਂ ਅਜੂਬਾ—ਅਜੇ ਵੀ ਦੇਖਣਾ ਬਾਕੀ ਹੈ। ਪਰ ਪਹਿਲਾਂ... ਇੱਕ ਕਲਾਸਿਕ ਮਾਯਨ ਖਾਣਾ!

ਜੋ ਕੁਝ ਵੀ ਤੁਸੀਂ ਇੱਥੇ ਦੇਖ ਰਹੇ ਹੋ, ਇਹ ਸਭ ਉਹੀ ਹੈ ਜੋ ਮਾਯਨ ਲੋਕ ਹਜ਼ਾਰਾਂ ਸਾਲ ਪਹਿਲਾਂ ਖਾਂਦੇ ਸਨ। ਜਿਵੇਂ ਕਿ ਤੁਸੀਂ ਇਸ ਵੀਡੀਓ ਦੌਰਾਨ ਸੁਣਿਆ ਹੈ, ਉਹ ਮਕਈ ਦੇ ਦੇਵਤਾ ਦੀ ਪੂਜਾ ਕਰਦੇ ਸਨ। ਅਤੇ ਜੇ ਤੁਸੀਂ ਨਹੀਂ ਜਾਣਦੇ, ਤਾਂ ਮਕਈ ਟੋਰਟਿਲਾ ਦਾ ਮੁੱਖ ਹਿੱਸਾ ਹੈ। ਐਡਿਟ ਕਰਨ ਵਾਲਾ ਜਵਾਬ ਦੇਵੇ: ਕੀ ਮਾਯਨ ਲੋਕਾਂ ਨੇ ਟਾਕੋਜ਼ ਦੀ ਖੋਜ ਕੀਤੀ ਸੀ? ਹਾਂ ਜਾਂ ਨਾ? ਅਖ਼ੀਰਲੀ ਰਾਤ ਦੇ ਨਾਮ, ਚੀਅਰਜ਼। ਮਾਯਨ ਟਾਕੋਜ਼ ਦਾ ਆਨੰਦ ਲਵੋ।

ਰਾਤ ਦੇ ਅਖ਼ੀਰ 'ਚ, ਅਸੀਂ ਤੁਹਾਡੇ ਲਈ ਇੱਕ ਖ਼ਾਸ ਮਾਯਨ ਮਿਠਾਈ ਲੈ ਕੇ ਆਏ ਹਾਂ। ਬਿਲਕੁਲ ਨਵੀਂ ਫੀਸਟੇਬਲਜ਼ ਪੀਨਟ ਬਟਰ ਕੱਪਸ! ਰੁਕੋ—ਨਵਾਂ, ਪਰ ਇਹ ਮਾਯਨ ਦੀ ਮਿਠਾਈ ਹੈ? ਸਵਾਲ ਨਾ ਪੁੱਛੋ। ਇਹ ਮਿਠਾਈ ਹੈ। ਲੋ, ਲੈ ਲੋ। ਇੱਥੇ ਮਾਰਕੇਟਿੰਗ ਦਾ ਰਾਜਾ ਬੈਠਾ ਹੈ। ਯਾਰ, ਦੇਖੋ ਕਿੰਨਾ ਪੀਨਟ ਬਟਰ ਹੈ ਇਸ ਵਿੱਚ।

ਕਿੰਨੀ ਦੁੱਖਦਾਈ ਗੱਲ ਹੈ ਕਿ ਇਸ ਧਰਤੀ ਤੇ ਅਜਿਹੇ ਇਨਸਾਨ ਹਨ ਜਿਨ੍ਹਾਂ ਨੇ ਅਜੇ ਤੱਕ ਵੀ ਨਵੀਂ ਫੀਸਟੇਬਲਜ਼ ਪੀਨਟ ਬਟਰ ਕੱਪਸ ਦਾ ਸੁਆਦ ਨਹੀਂ ਚੱਖਿਆ? ਤਾਂ ਜੇ ਤੁਸੀਂ ਇੱਕ ਵਧੀਆ ਤਰੀਕੇ ਨਾਲ ਬਣਿਆ, ਸ਼ਾਨਦਾਰ ਸੁਆਦ ਵਾਲਾ ਨਾਸ਼ਤਾ ਚਾਹੁੰਦੇ ਹੋ, ਤਾਂ ਛੇਤੀ ਨਾਲ ਫੀਸਟੇਬਲਜ਼ ਖ਼ਰੀਦ ਕੇ ਲੈ ਆਓ। ਇਹ ਬਹੁਤ ਸੁਆਦ ਹੈ। ਧਰਤੀ ਦਾ ਇਕਮਾਤਰ ਨਾਸ਼ਤਾ ਜੋ ਮਾਯਨ ਲੋਕਾਂ ਨੂੰ ਵੀ ਪਸੰਦ ਸੀ।

ਸੌਣ ਤੋਂ ਪਹਿਲਾਂ, ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਮੈਂ ਚੈਨਲ ਨੂੰ ਸਬਸਕ੍ਰਾਈਬ ਕਰਨ ਵਾਲੇ ਦਸ ਰੈਂਡਮ ਲੋਕਾਂ ਨੂੰ ਪੰਜ ਲੱਖ ਡਾਲਰ ਦੇ ਰਿਹਾ ਹਾਂ। ਕੋਈ ਮਜ਼ਾਕ ਨਹੀਂ। ਮੇਰਾ ਜਨਮਦਿਨ ਆ ਰਿਹਾ ਹੈ। ਇਸ ਨੂੰ ਮਨਾਉਣ ਲਈ, ਚੈਨਲ ਨੂੰ ਸਬਸਕ੍ਰਾਈਬ ਕਰਨ ਵਾਲੇ ਲੋਕਾਂ 'ਚੋਂ ਦਸ ਰੈਂਡਮ ਲੋਕਾਂ ਨੂੰ ਮਿਲਣਗੇ ਪੰਜਾਹ ਹਜ਼ਾਰ ਡਾਲਰ। ਮੈਨੂੰ ਇਹ ਸ਼ਾਨਦਾਰ ਜਨਮਦਿਨ ਤੋਹਫ਼ਾ ਦੇਣ ਲਈ, ਸਭ ਤੋਂ ਵਧੀਆ ਬੀਫ ਜਰਕੀ, ਜੈਕ ਲਿੰਕਸ ਦਾ ਧੰਨਵਾਦ। ਹੁਣ ਮੈਂ ਤੁਹਾਨੂੰ ਦੁਨੀਆ ਦੇ ਸੱਤਵੇਂ ਅਜੂਬੇ ਤੇ ਮਿਲਾਂਗਾ!

ਸਾਡੀ ਯਾਤਰਾ ਦੇ ਅਖ਼ੀਰਲੇ ਕੁਝ ਘੰਟਿਆਂ ਵਿੱਚ, ਇਹ ਉਹ ਮੋੜ ਹੈ ਜਿਸਦਾ ਤੁਸੀਂ ਸਾਰੇ ਇੰਤਜ਼ਾਰ ਕਰ ਰਹੇ ਸੀ: ਦੁਨੀਆਂ ਦਾ ਸੱਤਵਾਂ ਅਜੂਬਾ, ਕੁਕੁਲਕਾਨ ਦਾ ਮੰਦਰ। ਯਾਰ, ਇਹ ਤਾਂ ਬਹੁਤ ਸ਼ਾਨਦਾਰ ਹੈ। ਮੈਨੂੰ ਯਕੀਨ ਨਹੀਂ ਹੋ ਰਿਹਾ ਕਿ ਅਸੀਂ ਅਸਲ ਵਿੱਚ ਇੱਥੇ ਹਾਂ।

ਕੁਕੁਲਕਾਨ ਦੁਨੀਆਂ ਦਾ ਸੱਤਵਾਂ ਅਜੂਬਾ ਹੈ, ਨਾ ਸਿਰਫ਼ ਆਪਣੇ ਵੱਡੇ ਸਾਈਜ਼ ਕਰਕੇ, ਬਲਕਿ ਇੱਥੋਂ ਆਉਣ ਵਾਲੀਆਂ ਅਜੀਬ ਆਵਾਜ਼ਾਂ ਕਰਕੇ ਵੀ। ਮਾਯਨ ਲੋਕਾਂ ਨੇ ਇਸਨੂੰ ਪਤਾ ਨਹੀਂ ਕਿਵੇਂ ਬਣਾਇਆ ਕਿ ਜੇ ਤੁਸੀਂ ਇਸਦੇ ਸਾਹਮਣੇ ਤਾੜੀ ਮਾਰੋਗੇ, ਤਾਂ ਤੁਹਾਨੂੰ ਇੱਕ ਲੇਜ਼ਰ ਵਰਗੀ ਆਵਾਜ਼ ਵਾਪਸ ਸੁਣਾਈ ਦਿੰਦੀ ਹੈ।

ਠੀਕ ਹੈ, ਖ਼ੈਰ! ਅਸੀਂ ਜੋ ਇੱਥੇ ਦੇਖਣ ਵਾਸਤੇ ਆਏ ਹਾਂ... ਇਸ ਪਿਰਾਮਿਡ ਦੀ ਚੋਟੀ 'ਤੇ ਇੱਕ ਮੰਦਰ ਹੈ ਜੋ ਸਥਾਨਕ ਲੋਕਾਂ ਲਈ ਇੰਨਾ ਪਵਿੱਤਰ ਹੈ ਕਿ ਉੱਥੇ ਕਿਸੇ ਨੂੰ ਵੀ ਚੜ੍ਹਨ ਦੀ ਆਗਿਆ ਨਹੀਂ ਦਿੱਤੀ ਜਾਂਦੀ। ਸਵਾਲ ਪੈਦਾ ਹੁੰਦਾ ਹੈ: ਉਸ ਪੁਰਾਣੇ ਕਮਰੇ ਵਿੱਚ ਮਾਯਨ ਦੇ ਕਿਹੜੇ ਰਾਜ਼ ਲੁਕੇ ਹੋਏ ਹਨ?

ਇੱਥੇ ਦੀ ਪਰੰਪਰਾ ਤੇ ਜੋ ਇਸ ਥਾਂ ਨੂੰ ਪਵਿੱਤਰ ਮੰਨਦੇ ਹਨ ਉਨ੍ਹਾਂ ਦੀ ਇੱਜ਼ਤ ਸਦਕਾ ਅਸੀਂ ਇਸ ਮੰਦਰ ਨੂੰ ਹੱਥ ਵੀ ਨਹੀਂ ਲਾਵਾਂਗੇ! ਇਸਦੀ ਜਗ੍ਹਾ ਅਸੀਂ ਇਸ ਡ੍ਰੋਨ ਨੂੰ ਉਡਾ ਕੇ ਵੇਖਾਂਗੇ ਕਿ ਉਸ ਗੁਪਤ ਕਮਰੇ ਵਿੱਚ ਕੀ ਹੈ। ਤੁਹਾਨੂੰ ਕੋਈ ਦਿੱਕਤ ਤਾਂ ਨਹੀਂ? ਰੱਬ ਰਾਖਾ!

ਓ ਤੇਰੀ ਦੀ, ਇਹ ਤਾਂ ਬਹੁਤ ਹੀ ਸ਼ਾਹੀ ਲੱਗ ਰਿਹਾ ਹੈ। ਮੈਂ ਜਾਣਨ ਲਈ ਬੇਤਾਬ ਹਾਂ! ਠੀਕ ਹੈ, ਚਲੋ ਦੇਖੀਏ ਇਸ ਕਮਰੇ ਵਿੱਚ ਕੀ ਹੈ। ਰੁਕੋ... ਆਰਥਰ, ਕਮਰਾ ਤਾਂ ਖਾਲੀ ਹੈ।

ਖ਼ੈਰ, ਪੰਜ ਸੌ ਸਾਲ ਪਹਿਲਾਂ, ਸਪੇਨ ਵਾਲੇ ਇੱਥੇ ਆਏ ਸਨ, ਅਤੇ ਉਹ ਅੰਦਰੋਂ ਬਹੁਤ ਸਾਰਾ ਸਮਾਨ ਕੱਢ ਕੇ ਲੈ ਗਏ ਸਨ। ਪਰ ਉਹ ਸਭ ਚੋਰੀ ਹੋਣ ਤੋਂ ਪਹਿਲਾਂ ਇਤਿਹਾਸਕਾਰਾਂ ਦੇ ਅਨੁਸਾਰ ਦੁਨੀਆਂ ਦਾ ਸੱਤਵਾਂ ਅਜੂਬਾ ਕੁਝ ਇਸ ਤਰ੍ਹਾਂ ਦਿਸਦਾ ਸੀ। ਯਾਰ, ਸੱਚਮੁੱਚ, ਇਹ ਬਹੁਤ ਖੂਬਸੂਰਤ ਹੈ।

ਹਾਲਾਂਕਿ ਅਸੀਂ ਕੋਈ ਸੋਨਾ ਨਹੀਂ ਲੱਭ ਸਕੇ, ਮੈਂ ਸ਼ੁਕਰਗੁਜ਼ਾਰ ਹਾਂ ਕਿ ਮੈਂ ਇਨ੍ਹਾਂ ਪੁਰਾਣੇ ਸਮਾਰਕਾਂ ਨੂੰ ਵੇਖ ਸਕਿਆ ਹਾਂ ਤੇ ਤੁਹਾਡੇ ਨਾਲ ਸਾਂਝਾ ਕਰ ਸਕਿਆ ਹਾਂ! ਦੋਸਤੋ, ਆਈ ਲਵ ਯੂ। ਮੈਕਸੀਕੋ, ਬਹੁਤ ਵਧੀਆ ਸਫ਼ਰ ਰਿਹਾ। ਫਿਰ ਮਿਲਦੇ ਹਾਂ!